Perretxiko saioa dela aprobetxatuz, onddoak prestatuko ditugu bi testuratan, azalore– eta pinazi-kremarekin. Sasoiko produktuekin egindako errezeta.

Osagaiak

750 g onddo

100 g pinoi

Bi baratxuri

Tipula bat

Azalore bat

Tipulin bat

Perrexila

Parmako gazta

Pare bat bolatxo gurin

Basokada erdi bat esne

Arrautza bat

Oliba-olioa

Piperbeltza

Gatza

Gatz-ezkatak

Prestaketa

Onddoak ondo garbitu eta zurtoinak laukitxotan moztuko ditugu. Tipula xehatu, zartagin batean oliba-olio zurrusta bota eta onddoekin batera sueztituko dugu.

Beste zartagin batean, pinoiak salteatuko ditugu eta onddoei gehituko dizkiegu. Aldi berean, perrexila xehatuko dugu, ondoren gehitzeko; oraingoz, gordeta utziko dugu.

Azalorea zuritu eta lapiko batean egosiko dugu, gatzaz eta baratxuriaz. Behin egosita dagoenean, ura kenduko diogu eta xehatutako tipulina, pare bat bolatxo gurin, Parmako gazta birrinduta eta esnea botako dizkiogu. Hagaxka batekin irabiatuko dugu purea egin arte, eta gatzaz eta piperraz onduko dugu.

Ondoren, xaflatan moztuko ditugu onddoen txapelak –zentimetro bat ingurukoak–, eta plantxan markatuko ditugu.

Platerean aurkezteko iradokizuna: plateraren alde batean azalore-krema jartzea, gainean onddoen txapelekin. Eta plateraren beste aldean zurtoinen eta pinoien frijitua, erdian gordinik zerbitzatuko dugun eta frijituaren berotasunarekin mamituko